• A3 dottor Gianni catalanotto
  • A3 Conad
  • A3bis Farmacia Rotolo
  • outlet del mobile A3bis fino al 21 marzo
  • Farmacia Rotolo Castelvetrano

Lu testamento di li Nanni

del 2012-02-27

Immagine articolo: Lu testamento di li Nanni

(ph. Foto: INO MANGIARACINA)

Cari niputi tutti // vicini e di luntanu
forsi v’addumannati // socc’haiu ‘nta li manu
mi dettiru ‘sta cosa // d’alta tecnologia
e misiru la cuffia // a la mugghieri mia.

  • Fratelli Clemente Febbraio 2023 a7
  • Mi dissiri chi st’annu // m’haiu a modernizzari
    e a lu mastru nutaru // n’ e-mail c’ha mannari
    ma giustu giustu a mia // ch’un nni capisciu un cazzu
    ‘stu nnolitu mi dettiru //p’addivintari pazzu ?

    Ma dopu misi e misi // chi vaiu digitannu
    siccomu ‘unn’è minchia // lu vostru caru nannu
    a via di smurritiari //tra siti e faccibuccu
    ‘sta mail ci la mannavi //puri si sugnu un cuccu.

  • h7 immobiliare catalanotto
  • Mastru nutaru, è prontu? // E allura accuminciamu:
    basta, viremu anticchia, // socch’è chi ci lassamu
    a li niputi nostri, // chi sunnu ‘nta lu chianu
    di stu paisi anticu // dittu Castelvetranu?

    E’veru, caru nannu! // illustri è sta città,
    chiddu chi nun camina, // sapiti dunni sta?
    è la facciularìa // di tanti so abitanti
    chi spallanu darrera, // e ririnu davanti.

    Lu càstelvetranisi, // è ‘n armalazzu stranu
    né fa né lassa fari, // è cani d’urtulanu
    e siddu a un paisanu //‘na cosa riga drittu
    la ‘mmiria si lu mancia // e perdi lu pitittu”

    “Dunca, accurzamu, allura: // socch’è chi ci lassati?”
    “Scrivissi tuttu a puntu, // e doppu m’abbruciati,

    ?

    lu tistamentu è giustu // chi metti l’attenzioni
    prima di tutti a chiddi // di l’amministrazioni.

    A lu sinnacu Pompeu //chi finì lu decennatu
    ci voghhiu diri sulu // d’un mettirisi di latu
    di cunzari lu paisi // ci fici l’ingiunzioni
    ora ch’a fattu bonu // lu vogghiu a la Regioni

    A Giovannella Errante // chi sempri va ‘mpupata
    un fasciu di carduna // pi fari la ‘nsalata;
    e a Scaglione lassu, // nta la stessa manera,
    un cani di bancata // ppi ogni cantunera

    A Mimmo Signorello // lassu tanti zuttati
    quantu sunnu li scaffi // chi sunnu ‘nta li strati.
    A Di Carlu ci lassu // di lu trafficu la guerra
    li vigili ‘mboscati // e li signali ‘n terra.

    A Terracchiu ancora // ch’è lisciu e profumatu
    lassu Belice Ambiente// ch’ è tuttu scartiddatu.
    Si Cristaldi turnassi, // ch’è chiddu chi lu fici,
    di certu lu sminchiassi, // a iddu e a li so amici.

    A Giovanni Messina, // chi è a lu personali
    lassu li contrattisti // ch’havi a stabilizzari
    ma siddu a la Regioni // nun sentinu raggiuni
    armamu lu burdellu // ‘nzemmula a li Furcuni.

    A Vicenzu Cafisu // ci vogghiu addumannari:
    li casi di la Triscina // l’ha’ fari sdirrupari?
    A La Cascia ci lassu // li sordi pignurati
    e a cu fic lu dannu i // ‘na pista di lignati.

    A Ninunzzu Centunzi // ch’eni lu chiù picciottu
    n’aceddu cu li pinni // e scarrica di bottu
    A Filiciuzzu Erranti // chi lu sinnacu voli fari
    la cira sta scuagghiannu // perciò t’ha spirrugghiari.

    ?

    Passannu a lu cunsigghiu, // ni putemu priari;
    chi si nni stannu ‘ennu // e ‘unn’hannu chiù a turnari
    Papalla presidenti // or’ è democristianu;
    lu sinnacu vo fari? // futtitilla ccu Turanu.

    Dopu tanti schifìi // ‘n campagna elettorali
    mancu persuri tempu // pi ghirisi a’ assittari
    e tra lu dittu e fattu // cu ‘na dichiarazioni
    si fa la maggioranza // di granni proporzioni

    Pasquale Calamia // e Vanni Craparotta:
    ma soccu c’ ha’ lassari? // un lemmi di ricotta.
    A Peppi Rizzu poi // c’a latu si ci seri
    ‘nmeci di la ricotta // si ci lassa lu seri.

    A Palicchiu Carcara, //che ‘ntisu cartidduni,
    ci vogghiu dari ‘n testa// un corpu di furcuni
    e accussì la finisci // di cuminari danni
    e lassa stari ‘n paci // Aspanu Bongiovanni
    no, chi ci avia iutu // a rumpirici l’ova
    pi fari li primari // ‘nzemmula a Città Nova;
    e po’ ci dicu puru // sinceru e senza feli,
    trattenniti cu l’A.P.I., // senza circari meli.

    A Giovanni Impallari// socch’è chi c’ha’ lassari
    vistu ch’a l’urtimata // arrista’ senza cumpari ?
    A iddu e a li so amici // comu cunsulazioni
    ci lassu li ritrattu // cu Silviu Berlusconi.

    A Salvu Gangitanu // chi fa lu farmacista
    ci lassu lu murtaru // dunni accussì ci pista
    ervi putenti e strani // ‘nguenti e miricinali
    e a tutti chiddi musci // subitu fa arrittari

    E mentri semu in tema // di intellettualità

    ?

    ‘na cosa l’ha’ lassari // macari a chisti ccà:
    a Lo Pianu, sentu diri // e a Cicciu Bonsignuri
    ci lassu d’italianu // un bravu prufissuri.

    A Cola Giurintano // e a lu Catalanottu
    vogghiu lassari duru // ‘stu pezzu di viscottu
    e siddu a la saimi // un ci ponnu arrivari
    ‘nzemmula ccu Lo Sciuto // si l’hannu a rusicari.

    A Turriddu ‘Ngrasciotta // a Barresi e Fazzinu
    di tutta l’Udiccì // ci lassu lu casinu.
    E puru a Rinu Chiovu // a D’Angelo e a Zacconi
    Li Cavusi ci lassu // ppi la prossima elezioni.

    A Caraccioli e Mistretta // chi sunnu indipendenti
    e chi ‘nta ‘sti cinc’anni // ‘un cunchiureru nenti
    ci lassu ‘na burnia // cu ‘na sarda salata
    e ccu Peppi Carusu // ci dannu ‘na liccata.

    Passannu a Carlu Casciu // c’happi la concessioni
    iaprennusi lu barri // ppi fari animazioni,
    ci dicu, lu niputi // socc’amu a cuminari,
    siddu lu ‘ngagghiaporci // sempri chiusu fa stari?

    A Perricone poi, // Vaccarino e Triolo
    vogghiu lassari sanu // ‘stu beddu me citrolu
    vistu chi ghiè oramai // nenti ci pozzu fari
    datu chi ‘n’atr’anticchia // focu mi iti a dari.

    Evviva Piero D’Angelo // chi cerca sempri puci
    Evviva De Francesco // viva cu fa cchiù vuci,
    A Guarino ci lassu // un sceccu o puri un mulu
    a l’avutri ci dicu: // va iti a far ‘n culu !

    A li partecipanti // di tanti commissioni
    ci lassu ‘un portafogghiu // ch’è chinu di gettoni,

    ?

    e vistu chi l’annata // ci pari sempri sicca
    l’avemu a cumpatiri // hannu futtutu picca.

    E ad Elia Maggiu // chi fa lu segretariu
    di ‘stu cunsigghiu vecchiu, // ci lassu lu rusariu:
    priassi a lu Signuri, // chi pirdunassi a quanti
    li ficiru acchianari // a ‘sti quattru stravacanti.

    E a chiddi cunsigghieri // chi sunnu provinciali
    e ‘un hannu fattu nenti // ci lassu ‘stu rinali;
    e puru a tutti l’avutri // chi su’ politicanti
    lassu li me mutanni, // li cavusi e li tranti.

    A vigili e guardii // ci vogghiu lassari
    ‘na posta china // di signali stradali:
    e puru ci lassu // divieti d’accessi
    borsa e cappeddu // ppi li vigilessi

    A Francu Fiordalisu // chi è commendaturi
    ppi lassitu ci dugnu // la zotta di lu gnuri
    A Sarinu Di Bella // ora ch’è medagliatu
    d’arrivari a cent’anni // ci lassu lu mannatu

    A Rosetta Ampolilla // ch’avi la scola nova
    ci lassu du’ cartuna // chini di scorci d’ova
    e si ‘un si pigghia collari // abbasta chi ci godi
    ci lassu ‘na pagella // china di deci e lodi

    A Petru Ciulla lassu // un lestu panitteri
    chi notti e ghiornu sfurna // squatri di ragiuneri
    e a la Muntuliuna // ch’all’Alberghieru seri
    lassu tanti falari // pi cochi e cammareri

    E a chiddi chi cumannanu // tutti li scoli vasci
    munzedda di progetti // misi dintra li casci
    e ‘inmeci di sturiari // e farisi cultura
    sempri cchiù scecchi sunnu // picciotti e prufissura

    ?

    A tutti li parrina // cu la valigia ‘n manu
    ci lassu li saluti // di ‘stu Castelvetranu
    e ora chi cu Monti // l’ICI l’hannu a pagari
    ci lassu stu cunsigghiu // va iti a travagghiari

    A Giusi la Corleo // e a Filippo Tusa
    ci lassu di la nanna // la mutanna ciaurusa
    mentri a Vituzzu Trumma // cu lu beddu pizzettu
    ci lassu centu pecuri // e un beddu friscalettu

    A Francesco Calcara // ch’è dottu e canusciutu
    Ci lassu di l’archiviu // un libru camulutu
    dunni ci po’ smurfiari // la sira e la matina
    Cu Matteu Venezia // ed Aureliu Giardina

    A Puleo Trasparente // si mi paga ‘n contanti
    Ci vogghiu lassari // tri beddi cantanti
    ‘na gran ballerina // chi sia veru bona
    un microfonu novu // però chi funziona.

    Ad Anna Gelsomino // chi teatru sapi fari
    ci fazzu ‘na dumanna // veru t’ha maritari?
    dunn’è chi l’attruvasti // ‘stu beddu cavaleri?
    ch’appena ti canusci // ci scatta lu giseri !

    Ci lassu a Peppi Camporeali
    di cattedraticu ‘na lectio magistrali,
    vistu chi dici ch’è prufissuru,
    però ‘un si sapi cu ci detti st’onuri.

    A la Folgori passu // e a li so dirigenti,
    ‘un s’allagnassi nuddu // ma nun ci lassu nenti.
    Avemu un campu d’erba // ch’è proprio un gran gioiello
    e ni facemu futtiri // puru di Campobello.

    A tutti li “cleb servis” // - s’a va’ diri a la ‘ngrisa -
    ci lassu la campana // chi a la me’ crapa è appisa;
    accussì la calunia // l’avrannu preparata

    ?

    pi fari comu sempri // ‘na sulenni manciata.

    A li circoli poi // chi sunnu di cultura
    cu rispettu pallannu // ‘na cosa longa e dura
    chi l’unica cultura // chi s’insignaru a fari
    è criticare a tutti // è sfuttiri e ghiucari.

    A tutti l’impiati // lassu tanti zuttati
    a tutti li duttura // ‘na longa e dritta cura
    a monaci e parrini // scriticchi e baldacchini
    a jurici e avvocati // cartazzi straviati
    lassu a li commercianti // sti vertuli vacanti
    lassu a li sfacinnati //li ciciri caliati
    a tutti li picciotti // lu chianu puru di notti
    a tutti li buttani // un postu n’ta li chiani
    a tutti li garrusi // li palli me pilusi
    a tutti li curnuti // li palli me caruti
    a sbirri e questurini // lassu li me tappini
    a li Selinuntini // li cassonetti chini
    a chiddi Triscinara // un pezzu di zabbara
    a chiddi li la Parma // di fangu mezza canna
    a tutta la Batìa // lassu tanta lurdìa
    a li Beati Morti // li pali tutti torti
    Lassu a lu Belvederi // li surci peri peri,
    lassu a la via Tagliata // la fogna scartiddata
    a chiddi di la chiazza // di carduna du’ mazza
    mentre a li Scappuccini // carti di mercatini

    A tutti chiddi amici // chi fannu lu tiatru
    oppuri informazioni // o lu volontariatu
    chi scrivinu li libbra // o fannu li giornali
    pi stu paisi nostru // putiri migliorari

    A cu travagghia soru // e ‘un si nni fa addunari
    a cu crisci li figghi // senza falli sbagliari,
    a chisti cittadini // chi su’ la maggioranza
    ci lassu lu me cori // e tutta la me spranza.

    ?

    A li niputi novi // di I Love legalità
    Chi puru pi st’annata // m’accumpagnaru ccà
    ci lassu ‘na bannera // e scarpi cu li tacchi
    pi fari lu corteu // cu Italia e Ninu Bacchi

    A lu beddu Peppi Salernu
    lu Nannu lassa un ricordu eternu:
    è la sula gran vasata
    di stan ‘ran carnevalata
    e stabilisci e ppi sempri vali
    ch’ogni annu, ppi ogni carnevali,
    a Peppi un lassitu sia lassatu
    e chi ppi sempri sia riurdatu.

    A tutti chiddi chi nenti c’è lassatu
    lu Nannu dici chi ‘un si l’ha scurdatu,
    e a costu di parìri facci tosta
    vi fa sapiri chi lu fici apposta:
    siti l’urtimu chiovu di la naca
    e chistu Nannu cca mancu vi caca

    E vui, caru nutaru, // com’è chi vi chiamati?
    Giacomo Bonagiuso // E allura rigistrati:
    vi lassu lu duviri // d’amari stu paìsi
    e soccu costa costa, // pirdennuci li spisi.

    Signor nutaru, addunca, // la cira va a scuagghiari,
    lu tempu già finiu, // va itimi a bruciari.
    Ma siddu ora moru, // vogghiu turnari all’annu,
    mi firmo e mi confermo // sugnu lu vostru nannu.

    Vuoi essere aggiornato in tempo reale sulle notizie dalla Valle del Belìce? Clicca “Mi piace” su Castelvetranonews.it o seguici su Twitter

    Regina Alabastro P1 dal 1 marzo al 31 marzo 2024