Carnevale 2013: il testo di "Lu Testamento di li Nanni"
del 2013-02-17
In foto: bruciatina di li nanni 2013
Sabato scorso, come da tradizione, è stato letto "Lu Testamentu" prima della consueta "abbruciatina di li nanni" . Ve lo proponiamo su concessione della redazione del Giornale Agave qui di seguito:
Notaio (dopo aver tolto dalla custodia legge): Nell’anno Domini 2012 sono comparsi innanzi a me Notaro Nunzio Pellicane con studio notarile in Milano Via Fatebenefratelli n. 69, i coniugi Giovanni Gianrritto Nato a Castelvetrano di anni 93 e la di lui consorte Santina Zizzania, nata in Partanna di anni 76 ambedue residenti in Castelvetrano Via Ageselao Milano.Detto testamento olografico è il seguente:
"Cari niputi schietti e maritati singol, gay, spartuti e divorziati, domannu scusa se scrittu in sicilianu picchì nun mastico pi nenti l’italianu! Sugnu pi daveru murtificatu un vi potti lassari mancu lu ciatu, stetti du anni dintra lu spitali e ni niscivi nuro tali e quali; li beni a mia intistati mi li futteru e facili chi tornu cu lu trenu, la machina ch’avìa mi pignuraru financhi lu mobiliu si fregaru!
Sta vota nun mi pigghiano pi fissa e ci la servu ié ora la missa; quannu partivi tannu pi Milanu tricentu euru ci misi nta li manu; pi lu trenu nun mi lu fazzu lu bigliettu a costu di nchiuriri nta lu gabinettu comu facìa me patri di surdatu pi veniri a la casa pi scappatu! Veru tristi si ficiru li tempi tuttu rincara e nun s’accatta nenti, aumentanu li tassi e la benzina, la spisa nun si fa chìu ogni matina!
La curpa ci la dunanu a lu Pil e non a lu sinnacatu di la Cisl, ma poi di quali pilu si tratta chiddu di lu sceccu o di la atta??? Lu roggiu d’oru l’appi a mpignari pi un chilu di carni putiri accattari e pi dù para di scarpi cunsari na cambiali a vista appi a firmari; Mi dispensavi di lu cellulari picchì nun lu potti chiù pagari mi custava trenta euru a lu misi a la facciazza puru di sta crisi !
Mi tuccà manciari sulu mortadella avennu la putìa soltanto quella, e mi la davano sulu a crirenza e iu la suppurtavu cu pacenza! E pi nu sentiri di me muggheri la prèrica un fici chiù usu di la carta igienica e m’arranciu, cari niputi, ci pinsati? cu li deplian di li supermercati ! Mi scordavi cos’eranu li ba-bà e finivi di manciari baccalà e mi capita di virili nta la munnizza quacchi cannozzu puru di sosizza!
Chissu passa ora lu mulinu e nun si fa chi pagari Iva e Imu poi arriva l’avvisu di la spazzatura chi eni pi veru na granni scocciatura! Ora spunta puru lu redditometro chi unn’avi a chi viriri cu lu termometro chiddu chi si metti sutta l’asciddi chi a quanto pari servi sulu a iddi! E menu mali chi arrivàu Munti chi sapi mugghiu farisi li cunti. Picchì nun tassanu nveci cu premura di picciuttazzi chi nfrinsanu li mura?
Ricordu lu cannalivari di na vota quannu vi mittiavu sulla volta ad aspittari a mia e la nanna comu chiddi chi aspettanu la manna! C’era Furcedda, tannu lu ncigneri chi si la facìa cu me muggheri…. a cunantari barzellette e poesie mmiscati cu canzoni e melodie ! poi ci cuntava quannu a carnevali assemi a Carcara e Campureali chi avìanu trasutu m’paradisu cu Saru Di Bella e Fiordalisu, E chiurìanu la festa in allegria ennusinni tutti n’compagnia a fari la zabbinata a l’Errante cu Frosina e Davide Durante.
Cu Furcedda c’era Ginu Sciortinu a li so tempi miccanicu finu chi controllava lu carru apparatu si quacchi pezzu era puru ammaccatu; Nta l’officina misi di via Brisciana dunni Pentapoli ci travagghiava assemi, a Nicola Mangiaracina chi tannu liccava cu la so vicina, c’era viremma Vanni Turturici chi misu supra la so domatrici stava attentu a quacchi mbriacuni e sbraitava assieme a lu chiattuni-
Dinanzi lu carru c’era Enzu Liuni tuttu nfuscatu chi parìa un cafuni mentri darrè ci stava vanni manazza chi mmanu tinìa na grossa mazza chi ci sirvìa pi riparari quacchi rota chi putìa scappari e l’aiutava Pappalardu Vitu e Marchisi di lu stesso partitu;
Na vota ricordu, come fussi ora, mentri arrivati aviamu a la rota ci arrivò di citrolu un tozzu chi pigghiò di la nanna lu cozzu; Puru Scirè c’era supra n’aratru chi l’accumpagnava finu a lu teatru dunni appustatu da c’era Corlèo cu l’altuparlanti di Pulèo. A tutti chissi nun ci lassavi nenti ma lu stessu iddi su contenti un vonnu regali e mancu contributi ma speranu chi quarcuno poi li, aiuti;
Chi beddi tempi vitti passari chiddu era lu veru cannalivari cu me muggheri misa a lu me latu supra lu palcu beddu addubbatu; Ci cummattìa Don Pippinu Vaiana e nuddu pi vero lu disturbava tranni quacchi picciotto curiusu, chi ci tinìa la scala picchì fora usu; Quant’era bedda la me signora cu la so bionda pettinatura, appi lu scantu chi mi facìa beccu era lu veru muzzicuni di lu sceccu!
Chi beddi fimmini cu li dominò cu li vistìa propriu nun lu so, cu li costumi oppuru li tutù dintra lu circulu di la gioventù. C’era “orrait” assemi a “Demoniu” Pippinu Salernu chi facìa un manicomiu, si la nucivi ti mittìa un pugnu dicennu a tutti: maritata sugnu! Quanti petardi di li barcuna quannu passava Peppi Mezzaluna chi cumparìa supra lu carrettu cu Perniciaru, Caliddu e Furettu.
C’era la za Rosa mpumatata chi s’annacava tutta nta la strata e tirava piticchi a tuttu spianu assemi a un certu Venezianu; Ricordo che ogni annu Napuliuni di mascaratu canciava lu costumi e na vota vistutu di fascista di lignati ci misiro na pista ! Ma ormai li tempi sunnu passati e tanti cosi foru già scurdati pinsamu chiuttostu a sti niputi chi sunnu tutti botti di li cuti.
Appena arrivatu ntisi na notizia chi mi procurò tanta mestizia: telefonatu m’avia Sandru Quarratu mi dissi chi Pompeu ristò fregatu !!! Ma comu fu stu fattu vosi sapiri picchì a lu patreternu ci l’ha diri; mi parsi un fattu troppu canusciutu, ce scantu chi la curpa fu di Lo Sciutu? Sappi chi da ghiusu a lu Strasattu spuntà na metropoli tuttu a un trattu; la genti curri e un sapi dunni iri e a ura di pagari c’è da sveniri; Ci sunnu alberghi megghiu di Chiancianu, ma manca l’acqua pi lavarisi li manu, di ristoranti ci ni sunnu un putiferiu anchi si na pocu già chiureru.
Ma chiddu chi nun ponnu digiriri è chi nta lu chianu un si ci pò chiù iri e preganu la madonna di lu Firriatu virennulo sulu e abbannunato; Chiamare giornastisti e parapazzi p’aboliri lu sistema di li piazzi e pìgghianu la strata di la vota p’arrivari a chidda di la rota.
Tu sinnacu, prego a tìa, falli filici e lu signori poi ti binirici; financhi un sociu mi scrissi di li circuli si nun lu fa iddu ci chiàntanu firdiculi; Puru li nostri cari paesani chi finèru di essiri taliani di l’America mi scrissiru ncazzati e sunnu veramenti meravigliati; Lucianu Saladinu, d’iddi Presidenti, fa finta d’un sapiri propriu nenti; ma mi dissiru chi parlò cu Obama chi la faccenna sicuramente ama !!
Vàrtulu Calìa c’è pi lu mezzo chi di lu Quin eni un grossu pezzo, mentri Petru Russu chi c’è a latu ci misi a disposizioni n’avvucatu ! Puru Petru Rubinnu si ni interessa pi mezzu di so soru, che è professoressa e voli vinniri financhi lu so storu a costu di sbarazzarisi anchi di l’oru ! Pinsamu ora all’assegnazioni: li beni immobili su a disposizioni li cosi chi idda chiama “i miei averi” sunnu tutti proprietà di me mugghieri;
E cuminciamu cu tutti l’assessuri chi si sbattunu la testa mura-mura pi putiri soddisfari di poveri cristi mastri, muratura e li tubisti; A lu vici-sinnacu Marcu Campagna chi dunni lu metti-metti mai si sbaglia ci lassavi lu canili abbannunatu pi trasformarlu in iardinu oppuru pratu. A l’assessuri Carcara dettu cartidduni chi pi la viabilità rumpi la cugghiuni la finissi cu sti canciamenti, chi annoianu tutta la gente.
A la dottoressa Angela Giacalone chi di luturismu teni lu timone misa in concorrenza cu Chiaramunti pi fari chiù famusa Selinunti. Ci lassu, si l’accetta, un furngoncinu chi porta li bagnanti a Calandrinu ma si la Triscina voli arrivari, fora stagione a cu voli truvari?
Francu Papalla, na vota Presidenti, di la Regione puru pritinnenti ci lassavi na bedda poltrona nel casu chi n’autra nun la trova; Ma si qurcunu d’iddi m’appi a scurdari lu pregu di vulirimi scusari e, si tra chissi, c’è qurcunu offisu facissi www puntu chiocciola Cafisu !!!
A Francesco Calcara lu professori chi a la Batienna passa tanti uri la catina di me mugghieri ci lassavi chi parìa d’oru, ma era di rami; Lu tirrenu chi avìa a Racaminu lassari vosi a la Gelsominu pi mettici lu teatru o na piscina e sciaqquarisi accussì ogni matina;
A Vicenzu Basuni, se mi consenti, di Berlusconi ci lassu la lenti chi s’avìa scurdato a l’ospitali quannu qualcunu ci fici mali; Un foddi di catina l’avìa affruntatu. E di nciuri l’avìa cummighiatu, poi ci dissi na parolaccia tirannuci un oggetto nta la faccia.
Lassu a Matteo Chiaramunti n’anfora e un catetaru di Selinunti n’agenda pulita e tanta bedda pi ricordarisi li problemi di la marinedda. A lu ncingheri Peppi Taddeu chi comu un santu iu lu preu; ci scrissi deci voti da Milanu ma lu progettu nun mi l’ha mannatu. Mi dissiru chi s’avia a ritirari e pi avillu ora chi bisognu fari? aspittari forsi quanu si ni va o quanu mi ni vaiu a l’aldilà?
A lu onorevole di lu Vanicu chi avìa misu a tutti nta lu panicu ci lassu, cu lu so pirmissu un posteggiu privatu a postu fissu; Ma nun miritava propiu nenti picchì m’avìa promisu cosi mponenti, tra l’altru lu portu a selununti chi nun si fici appena arrivò Munti;
A lu varveri Vanni Gandolfu Chi, avi la faccia di padri Nolfu e chi ogni vota chi lu ìa a truvari mi promittia un cunigghiu regalari la scupetta ci lassu ch’avìa a Bilici chi regalatu m’avianu l’amici, chi cinghiali un po’ ammazzari ma quacchi marvizzu lu pò puru pigghiari !
A chiddi chi attaccati su a la “Folgore” chi sannu pareggiare o sulu perdiri, ci lassu na fracchiata di ligniati e na squalifica di durici iurnati. Da antica e nobili carretta la lassu e Eliu Cavarretta mentri a Giuvanninu Adamo di me nannu lu megghiu cantaranu; A l’architettu Filippu Pacinu chi a li problemi è sempri vicinu e lu parcu attentu e curiusu e di lu centru storicu lu chiù sturiusu, Lu trattatu ci lassu d’Archimedi pi sturiari chiddu chi succedi e comu spiega l’architettura picchì nta stu paisi càrinu li mura.
A Vanni Nastasi, na vota assessuri, chi li finanzi tinni cu onuri ci lassu la me divisa fascista di quanu sfilavamo nta la rivista, A tutti chiddi chi fanno pubblicità a mezzu di telefono in granni quantità chiamannu l’utenti senza riguardo futtennusinni si su a cessu o a lu bagnu ci dicu sulamenti malarucati è accussì chi la prìvati rispittati? nun sannu nemmenu cu cu parlanu e nun capiscinu mancu chi disturbanu.
A chiddi chi a la Triscina stannu e chi la parafarmacia vonnu ci lassu la me vecchia toyota pi un pagari l’autobus na bona vota ! Ora dugnu giustamente precedenza a chiddi chi nun hannu chiù pacenza e aspettanu ansiosi di canusciri chiddu chi a iddi potti trasiri. A tutti quanti li animalisti ci vulissi fari l’occhi pisti li marciaperi, sutta hannu li runza mentri di supra su chini di strunza;
A l’assessura tutti di lu comuni ci raccumannu d’essiri immuni di favoritismi e protezioni e specialmente di raccumannazioni; A Ciccio Bonsignuri ci ha lassari pi quannu si decidi a spusari la cuttunina chi mi detti me nanna chi accattatu idda avìa a Partanna; A li vigili urbani in gonella chi ammucciati stanno in via Quintino Sella ci cunsigghiu meno contraminzioni, nun sunnu sulu chissi li manzioni;
A chiddi chi badanu a la circolazioni chi scempiu fanno di segnalazioni ci lassu la me vecchia lavagna pi studiari lu problema cu Parpagna; E’ mai possibili oppure umanu chi bisogna iri sempri fora manu? Nenti di menu p’arrivari a la Saluti pigghiari s’avi di li rocchi caruti? E, a proposito di contrammenzioni, chi fini fici dà contestazioni chi interessava tutta la città e nun si sapi come finirà? Ora di recenti n’autra ni ntisi anche le telecameri foro misi, minchia ! li sturiaru tutti ! stu pugnu di cornuti e farabutti Si pò sapiri allura cu cumanna Si Catalanu oppure Caradonna? E pi evitari chi fra iddi finia a cucca ci misiru lu cumannanti Bucca La machina chi avìa fori usu Lassari un vosi a Iacu Bonagiusu anchi picchì un mi consentia tra l’autru, d’essiri abbruciatu annanzi lu teatru;
A mezzo biglietto, chi è a la Provincia chi lu discursu mai iddu cumincia ora chi li Provinci vonnu livari trovatici un postu pi travagghiari ! A Peppi Buongiorno un ci lassavi nenti Anche si semu mezzi parenti, na parentela però alla luntana mi mezzo di so zia Rosa la Quartana.
A lu Presidenti di lu Gioventù chi soci picciotti un’avi chiù ci lassu lu ritrattu di Montaltu di la regina cu mbrazza lu attu; A chiddi di la società Operaia a ognunu d’iddi un coppu di càlia e ci lu dugno cu tanta cuntittizza a pattu chi nun fannu tanta munnizza ! A Peppi Curaba, spettabili Ditta, chi fa li casi e poi si l’affitta lu locu ci lassu di Rampinzeri chi regalatu m’avìa me mugghieri !
A lu contrattista Ciccio Mandina chi a mari m’aggiustò la lampadina datu chi iddu eni elettricista sarrìa lu casu di mettilu in lista ! A Peppi Balanu chi sempri vucìa nta lu stadiu dà misu a camurrìa, ci lassu la me trumma anchi s’è laria ma no di certu chidda piritaria ! A li tri fratelli Matteucci ci lassu la trappola di li surci chi stanno nta lu scaru a passeggiari e li turisti fannu scantari;
A lu zu gnaziu chi è a lu Tukè lu me beddu servizio di cafè chi avìa accattatu a lu mircatu quanno appi a partiri pi surdatu; A li duttura chi su a lu spitali. A iddi lassu tutti li me mali:l’ernia la ucciola e l’artrosi assemi a colite e arteriosclerosi. A Gaspare D’anna ntisu Nucidda, lu macasenu ch mi vinnì Chiattidda, a Monteverdi ntisu Beniaminu li sedili di lu campu alternativu;
A li vigili chiddi di lu focu na grossa pompa si ci pari pocu. Putìa mai accattari un pompinu ??? M’avissiru pigghiatu pi cretinu ! A Vanni Furcedda lu me scannagghiu pi a li Suletti piscari megghiu, dà ci su vopi chi hannu li denti e li pi friiri a li so clienti; Minchia, chi fissaria stava facennu lu mugghio niputi mi stava scurdannu: a Gianni Pompeu, amicu miu, ci lassu lu ritratti di Patri Piu;
Darrè c’eni scrittu cu la matita: abbrazzati ancora cu Santa Rita, anchi si sempri tu mi tradisti iu ti perdonu pi chiddu chi facisti; Ora mi ni bisogno iri via temu l’avvisu di garanzia !!! Picchi li beni ch haiu lassatu unni l’avia mancu dichiaratu. Speru chi lu Sinnacu Felici Erranti nonostante la crisi imperanti s’interessassi di l’articolisti chi su misi comu l’equlibristi.
Giorno verrà e lu cori mi lu dici Chi stuchiano tornerà ad esseri filici, cu la soddisfazioni di lu populu tuttu chi a birilu a cussì eni distruttu! Stu tistamentu nessuno po’ mpugnari e un vali la pena specificari e si lu mpugnanu vi l’assicuru, ni pista di lignati ci mettu puru!
